Rakende Dr. Annalize Green

Dr. Annalize Green is sedert 1999 'n geregistreerde Opvoedkundige Sielkundige by die Raad vir Gesondheidsberoepe van Suid-Afrika (PS 0051535). Sy is sedert 2000 voltyds in 'n privaatpraktyk en geregistreer by die Board of Healthcare Funders (BHF) (Praktyknommer: 8632766). Sy is die stigter van 'n multi-dissiplinêre terapiesentrum in die noorde van Pretoria. Sedert 2003 bestuur sy hierdie terapiesentrum waar kinders, volwassenes en gesinne hulp ontvang. Haar praktyk is toegerus met speelkamers en 'n sandterapie-kamer wat spelterapie in staat stel om een van die vele terapeutiese vorme te wees wat in haar praktyk gebruik word. Sy streef na die maksimale persoonlike groei van kliënte, terapeutiese sukses en geestelike welstand volgens elke individu of gesin se unieke behoeftes.

Dr. Annalize Green is tweetalig en lewer dienste in Afrikaans en Engels.

Waarom 'n opvoedkundige sielkundige raadpleeg?

Opvoedkundige Sielkundiges verskaf inligting oor alle aspekte aangaande kinders se leer en ontwikkeling. Opvoedkundige Sielkundiges assesseer, diagnoseer en behandel kinders en adolessente. Die primêre fokus is op die holistiese ontwikkeling en welstand van kinders en het ten doel om te verseker dat kinders hul volle potensiaal bereik in emosionele-, sosiale-, gedrags- en akademiese areas. Die doel is om aanpassing te fasiliteer, asook die ontwikkeling van kinders en adolessente binne hul familie-, skolastiese- en sosiale stelsels te bevorder. Ouerleiding vorm in baie gevalle ‘n belangrike deel van hierdie proses.

Afsprake/Diensinligting

Sielkundige dienste word gelewer onder spesifieke voorwaardes. Lees asseblief die Kliente-Inligtingsdokument / Diensvoorwaardeskontrak voordat u ‘n afspraak maak. Afsprake kan telefonies of deur voltooiing van die afspraak/navraag-vorm gemaak word.